Ine pitite glawène
On p’tit mazoukèt
Vinèt-st-èl couhène
Po fé danser l’ tchèt.
C’ è-st-ine sûtèye bièsse
Qui comprind l’ walon
Èt qu’ èlzî fêt fièsse
Avou sès « ron-ron ».

« Binamêye Minète,
Diha l’ mazoukèt,
A vèy vosse binète,
On s’ sint tot fringuèt ».
Èt l’ nozêye glawène
Èl prinda so s’ hô
Po båhî s’ narène
Tot lî d’hant « bravo ».

Lès tchèts qu’ on rabrèsse
Aprindèt l’ walon
Po trover leû plèce
D’vins lès cråmignons.
Nos-alans-st-al vole
Nos î mète ossi
Ca lès mêsses di scole
Nos volèt-st-êdî.

Une petite espiègle
Un petit marmouset
Viennent à la cuisine
Pour faire danser le chat.
C’est un animal intelligent
Qui comprend le wallon
Et qui leur fait fête
Avec ses « ron-ron ».

« Gentille Minette,
Dit le petit garçon,
À voir votre binette,
On se sent tout fringant ».
Et la gentille bavarde
Le prit dans son giron
Pour embrasser son nez
En lui disant « bravo ».

Les chats qu’on embrasse
Apprennent le wallon
Pour trouver leur place
Dans les cramignons.
Nous allons de suite
Nous y mettre aussi
Car les maîtres d’école
Veulent nous aider.