C’ èsteût l’ fièsse dèl porotche
Èt m’ mame m’ aveût payî
Li bê balon tot rodje
Qui dj’ aveû-st-inviyî.

Vos-alez mutwèt dîre
Qu’on balon ç’ n’ èst wê d’ tchwè,
Èt portant dj’ èsteû fîr
Èt pus-ureûs qu’ on rwè.

Dj’ agripéve li ficèle
Avou mès deûs r’ployîs,
L’ åreût falou èsse fèl
Po m’ èl poleûr råyî !

Insi disqu’ al vèsprêye,
Dji parådéve sins r’la…
Adon po dîre li vrèye,
Dji n’ sé çou qui m’ troûbla,

Ine måle brîhe po l’ pus sûr…
Tot d’ on côp dj’ drovia m’ min,
Sins minme m’ ènn’ aporçûre,
Èt come di djusse, rademint,

La-hôt, disqu’ ås nûlêyes
Rèvola m’ bê balon,
Po d’zeû plinnes èt valêyes,
Il-è-st-èvôye bin lon.

Å bê mitan dèl rowe,
Dji d’mana tot pèneûs :
Dj’ èsteû cwite dèl djodjowe
Qui m’ rindéve si ureûs.

Mi bê balon tot rodje,
Wice årè-t-i r’toumé ?
Å Congo ? Å Cambodje ?
Ou bin so l’ leune, qui sét ?

Èt s’ on djoû on l’ ritroûve ,
Si dot’rè-t-on, vormint,
Qu’il a mètou èn-oûve
Tant d’ djôye èt tant d’ toûrmints ?

Èt dji r’horba mès låmes
Tot tûzant qui m’balon
Enûléve on pô d’l’ åme
D’on simpe pitit Walon.

C’était la fête de la paroisse
Et ma maman m’avait payé
Le beau ballon tout rouge
Que j’avais envié.

Vous allez peut-être dire
Qu’un ballon, ce n’est guère de chose,
Et pourtant j’étais fier
Et plus heureux qu’un roi.

J’agrippais la ficelle
Avec mes doigts repliés,
Il aurait fallu être audacieux
Pour pouvoir me l’arracher !

Ainsi jusqu’au soir
Je paradais sans relâche…
Alors, pour dire la vérité,
Je ne sais ce qui me troubla.

Une mauvaise lubie certainement…
D’un coup, j’ouvris la main,
Sans même m’en apercevoir,
Et bien entendu, rapidement,

Là-haut jusqu’aux nuées
S’envola mon beau ballon,
Par-dessus plaines et vallées,
Il est parti bien loin.

Au beau milieu de la rue,
Je demeurai tout penaud :
J’étais quitte du jouet
Qui me rendait si heureux.

Mon beau ballon tout rouge
Où sera-t-il retombé ?
Au Congo ? Au Cambodge ?
Ou bien sur la lune, qui sait ?

Et si un jour on le retrouve,
Se doutera-t-on vraiment,
Qu’il a mis en branle
Tant de joie et tant de tourments ?

Et je séchai mes larmes
En pensant que mon ballon
Élevait dans les nues un peu de l’âme
D’un simple petit Wallon